Vrāsjet masive në Bucha. Gjermania siguron provat për krīmēt e lūftës në Ukrainë

Gjermania ka mbledhur prova të krimeve të luftës në Ukrainë. Prokurori i përgjithshëm i vendit ka deklaruar për mediat e huaja se ai sheh nevojën për një proces gjyqësor në nivel ndërkombëtar.

“Aktualisht, ne jemi duke u fokusuar në vrasjet masive në Bucha ose sulmet kundër infrastrukturës civile ukrainase,” tha Peter Frank për gazetën ëelt am Sonntag.

Deri më tani, prokurorët kanë siguruar prova në “rangun treshifror”, por pa dhënë detaje.

Ukraina dhe aleatët e saj perëndimorë kanë akuzuar forcat ruse për kryerjen e mizorive në Bucha, një qytet satelit i Kievit, menjëherë pas nisjes së pushtimit të tyre shkurtin e kaluar. Moska e ka mohuar akuzën. Rusia ka shënjestruar gjithashtu infrastrukturën kryesore në Ukrainë, por mohon të ketë shënjestruar qëllimisht civilët.

Frank deklaroi se Gjermania filloi mbledhjen e provave në mars 2022 për të ndjekur penalisht krimet e luftës, duke përfshirë intervistimin e refugjatëve ukrainas dhe vlerësimin e informacionit të disponueshëm publikisht. Ai gjithashtu ka theksuar se prokurorët gjermanë nuk po hetonin ende individë të veçantë.

Rruga Press