Vranësira dhe reshje në zonat veriore, njihuni me parashikimin e motit për sot

Vendi ynë sot do të mbizotërohet nga alternime kthjellimesh dhe vranësirash. Gjatë pasdites vranësirat do të intensifikohen duke sjellur reshje shiu në zonat e veriore. Nesër pritet që i gjithë territori të përfshihet nga reshjet.

Sipas Meteoalb, sot temperaturat do të pësojnë një rritje të lehtë, ku do të variojnë: në zonat malore, nga 00°C në 07°C, në zonat e ulëta nga 08ºC në 14°C dhe në zonat bregdetare nga 10°C në 15°C.

Era do të fryejë në drejtim Jugor ndërsa forca e valëzimit në det do të jetë 4 ballë.

Kosova sot do të mbizotërohet nga alternime vranësirash dhe kthjellimesh të cilat do të sjellin mot të qëndrueshëm në të gjithë territorin. Temperaturat do të pësojnë një rritje të lehtë ku do të variojnë: në zonat malore nga 00°C në 10°C dhe në zonat e ulëta nga 04°C në 10°C.

Rruga Press