Von Cramon mirëpret përparimin e Kosovës në luftën kundër korrupsionit

Raportuesja për Kosovën në Parlamentin Evropian, Viola Von Cramon e ka mirëpritur përparim e Kosovës në luftën kundër korrupsionit.

Përmes një postimi në Twitter, Von Cramon ka vlerësuar se ky është një ‘shpërblim i vogël për të gjithë Kosovën’

“Me të vërtetë lajme të mira për Kosovën sa i përket luftës kundër korrupsionit dhe krimit të organizuar. Kosova ka lëvizur lartë për 17 vende në indeksin e perceptimit të korrupsionit. Shpërblim i vogël për të gjithë në Kosovë”, ka shkruar Von Cramon.

Raportuesja e PE ka shpërndarë reagimin e ambasadorit i Gjermanisë në Kosovë, Jorn Rohde,i cili  ka thënë se Kosova ka bërë përparim të dukshëm në luftimin e korrupsionit.

“Kosova bën përparim të dukshëm në luftimin e korrupsionit! Në indeksin e Transparency International, Kosova është përmirësuar me 17 vende dhe tani renditet në vendin e 87-të. Është inkurajuese që Kosova më në fund filloi të ecë në bisedime për të luftuar seriozisht korrupsionin. Vazhdoni kështu! Kosova ka mbështetjen e plotë gjermane”, ka shkruar ai në Twitter.

Edhe Ambasada e Francës në Kosovës, ka shprehur mbështetjen e saj për Kosovën në luftën kundër korrupsionit.

“Lajm i mirë. Kosova shënon progres duke u ngjitur 17 vende në krahasim me vitin e kaluar në indeksin e perceptimit të korrupsionit. Duhet vazhduar këtë progres. Franca e mbështet plotësisht Kosovën në luftën e vazhdueshme kundër korrupsionit”, thuhet në postim.

Kosova ka shënuar përparim të lehtë në luftën kundër korrupsionit, duke u renditur e 39-ta në Indeksin e Perceptimit të Korrupsionit për vitin 2021, të përpiluar nga organizata ndërkombëtare, Transparency International.

Një vit më parë Kosova kishte 36 pikë.

Indeksi radhit çdo vit 180 shtete dhe territore të botës në bazë të nivelit të perceptuar të korrupsionit në sektorin publik. Ai përdor një metodologji pikësh, sipas së cilës zero tregon për një vend shumë të korruptuar, ndërsa 100 për një vend të pastër nga kjo dukuri.

Rruga Press