Vijojnë protestat në Francë, policia përdor gaz lotsjellës dhe ujë për të shpërndarë turmën
Protestuesit janë përplasur me policinë në Nantes të Francës, ndërsa kjo e fundit përdori gaz lotsjellës dhe ujë për të shpërndarë turmën. Qytetarët francezë vijojnë të protestojnë prej javësh kundër një projekt ligji mbi sigurinë, i cili parashikon që të mos publikohen imazhe të policëve.
Pavarësisht se projektligji u kthye për rishikim kjo nuk e ka qetësuar aspak protestuesit, të cilët shprehen se është një mënyrë për të fshehur arbitraritetin e autoriteteve.
Lexo më shumë Rusia shënoi numrin më të lartë të viktimave ditore që nga fillimi i luftës në Ukrainë
Projektligji parashikonte që filmimi i policëve të kthehej në një vepër penale.
Shoqëria civile, gazetarët por edhe qytetarët e kundërshtojnë një nismë të tillë duke protestuar herë pas here në qytetet franceze.