(Video) Ukraina godet me HIMARS në Krime? Dalin pamjet e shpërthimeve

Baza ajrore ruse në Krime është përfshirë nga disa shpërthime të fuqishme gjatë ditës së sotme. Dëshmitarët okularë i thanë Reuters se dëgjuan disa shpërthime të forta dhe panë tym të zi që ngrihej nga drejtimi i një baze ajrore ruse në Novofedorivka në Krimenë perëndimore sot.

Videot e shpërndara në mediat sociale gjithashtu treguan tymin që ngrihej në zonë.

Sipas raportimeve, rreth orës 15:30 (me orën lokale) pasditen e sotme janë dëgjuar të paktën 12 shpërthime.

Aneksimi i gadishullit ukrainas të Krimesë në Federatën Ruse u bë në vitin 2014.

Sipas Ministrisë së Mbrojtjes ruse, shpërthimet ndodhën për shkak të ndezjes së municioneve, të cilat ishin në një zonë magazinimi të bazës.

Sipas tyre, askush nuk u lëndua nga shpërthimi dhe pajisjet e aviacionit të aeroportit nuk u dëmtuan.

Rruga Press