VIDEO/ Tërmeti i fuqishëm i Kroacisë “shkund” edhe parlamentin e Sllovenisë, deputetët largohen nga salla
Tërmeti i fuqishëm me magnitudë 6.3 që goditi sot Kroacinë është ndjerë konsiderueshëm edhe në Slloveni.
Në rrjetet sociale tashmë kanë nisur që të ndahen pamje amatore të filmuara nga qytetarët.
Në Twitter është publikuar po ashtu një video që tregon momentin kur lëkundjet ndjehen në parlamentin slloven.
Ndërsa një prej të pranishmëve mbante fjalën e tij në Lubjanë nisën të ndiheshin dridhjet e tokës. Deputetët në fillim duken të përmbajtur, por më pas nisin të largohen nga ulëset e tyre. Në pak sekonda e gjithë salla boshatiset.