(Video) Situata në veri të Kosovës, forca të shtuara të Policisë te ura e Ibrit

Pas dyshimeve për sulm ndaj zyrtarëve të Komisionit Qendror të Zgjedhjeve në veri të Kosovës, forca të shtuara të Policisë te ura e Ibrit në veri të Mitrovicës po orientojnë qytetarët të mos kalojnë urën në grupe të mëdha.

Kallxo.com ka sjellë pamje nga vendi i ngjarjes.

Gjatë ditës së sotme ka qenë e paraparë që zyrtarët e përzgjedhur të lartë komunal së bashku me zyrtarë të KQZ-së, Ministrisë së Pushtetit Lokal të vendosen nëpër komunat me shumicë serbe të cilat tani e sa javë janë duke funksionuar pa kryetarë të komunave për shkak se të njëjtit kanë dhënë dorëheqje.

Sipas raportimit të mediave, mësohet se KQZ ka kërkuar tani e disa ditë që gjatë kësaj kohe kur pritej të vendoseshin zyrtarët e lartë komunal që janë përzgjedhur për të zëvendësuar ata të dorëhequrit, të kenë edhe mbështetjen e Policisë së Kosovës.

Në momentet kur është tentuar zëvendësimi i zyrtarëve të lartë është lëshuar edhe alarmi në pjesën veriore të Kosovës. Ndërsa në orët e pasdites në veri të vendit janë dëgjuar disa shpërthime dhe sirena.

‘Bombat Shock ’, sipas Kallxo.com janë gjuajtur në drejtim të zyrave të KQZ-së në vendin ku ishin edhe zyrtarët policor të Policisë së Kosovës.

Rruga Press