(Video) Policia shoqëron ‘Kim Jong Unin australian’,”Askush s’mund t’i thotë liderit suprem çfarë duhet të bëjë”
Një person shumë i ngjajshëm në fizik me diktatorin e Koresë së Veriut, Kim Jong-Un, ka marrë vëmendjen e kamerave dhe pjesëmarrësve në aktivitetin e fushatës zgjedhore të kryeministrit Scott Morrison.
Ai ia kishte arritur të dukej thuajse si lideri suprem koreano-verior, duke u paraqitur me një kostum të errët me vija, syze djelli, si dhe me një model flokësh identik.
Sipas portalit “Upi”, australiani “sozi” u shoqërua nga policia për intervistim.
Këshilltari i kryeministrit Morrison, Nick Creevey, i tha “diktatorit” të largohej pasi po pengonte, kurse personi në fjalë i referohej vetvetes si “lider suprem”.
“Më falni, duhet të largoheni, kjo është gjëja më fyese që kam parë ndonjëherë në një fushatë”, tha Creevey. Kurse sozia i Kim Jong-Unit ia ktheu duke u shprehur se askush nuk mund t’i thotë liderit suprem se çfarë duhet të bëjë.
Rruga Press