Video/ Një medalje ari, dy argjendi: Briken Çalja është nënkampion i botës

Botërori i Peshëngritjes në Tashkent në Uzbekistan është kthyer në një sukses të vërtetë për Shqipërinë, që me Briken Çaljen kthehet me tre medalje, një të artë e dy argjent dhe me titullin e nënkampionit të botës në dygarësh.

Natyrisht nuk mund të anashkalohet vendi i katërt i Erkand Qerimajt, që ka ndryshuar edhe peshë.

Çalja fitoi medaljen e artë në stilin e shkëputjes në Botëror duke shkuar vetëm një kilogram larg titullit kampion bote në dygarësh dhe shtytje, ku u klasifikua në vendin e dytë. Peshëngritësi shqiptar garoi në peshën deri në 73 kilogram dhe ia doli të ngrejë 156 kilogram në stilin e shkëputjes, më shumë se çdo garues tjetër.

Edhe në shtytje Çalja bëri një paraqitje mjaft të mirë, duke ngritur 182 kilogramë në provën e parë, 186 kilogram në të dytën dhe dështoi 190 kilogramë në të tretën, duke humbur titullin kampion në dygarësh për vetëm një kilogram.

Rruga Press