(Video) Ish-kryeministri japonez qëllohet me armë gjatë fushatës

July 8, 2022 user 1

Ish-kryeministri i Japonisë, Shinzo Abe, u qëllua gjatë një fjalimi fushate të premten në Japoninë perëndimore dhe u transportua me helikopter në një spital, por ai nuk po merrte frymë dhe zemra i ishte ndalur, thanë zyrtarët, raportoi AP.

Zyrtari lokal i ndihmës së shpejtë, Makoto Morimoto, tha se Abe ishte në arrest kardiak dhe pulmonar pasi u dërgua në spital.

Sekretari i kabinetit, Hirokazu Matsuno, u tha gazetarëve se policia arrestoi të dyshuarin e armatosur në vendngjarje.

Lexo më shumë Ukraina godet një depo nafte ruse në perëndim të Rusisë

“Një akt barbar si ky është absolutisht i pafalshëm, pavarësisht se cilat janë arsyet, dhe ne e dënojmë ashpër atë”, tha Matsuno.

Transmetuesi publik NHK transmetoi pamjet që tregonin Aben të rrëzuar në rrugë, me disa roje sigurie që vraponin drejt tij. Ai thuhet se u qëllua disa minuta pasi filloi të fliste jashtë një stacioni kryesor treni në Nara.

Kryeministri Fumio Kishida, i cili i përket së njëjtës parti politike si Abe, është në rrugë për në Tokio nga destinacioni i tij i fushatës në Yamagata, në Japoninë veriore. Matsuno tha se të gjithë ministrat e kabinetit duhet të kthehen në Tokio nga udhëtimet e tyre të fushatës.

Lexo më shumë Zyrtari i lartë i NATO-s u bën thirrje bizneseve të përgatiten për ‘skenarë lufte’

Sulmi është tronditës për vendin i cili është një nga më të sigurtit në botë me disa nga rregullat më të ashpra për kontrollin e armëve.