VIDEO/Historike: NASA kap për herë të parë se si dëgjohet zhurma e erës në Mars

Që nga zbritja në vitin 2011 roveri ka udhëtuar më shumë se 20 kilometra dhe herë pas here dërgon imazhe për çdo kuriozitet marsian.

SHBA – Roveri Curiosity i NASA-s, së fundmi ka kapur një video të sipërfaqes së Marsit në të cilën për herë të parë dëgjohet se si tingëllon era marsiane.

Sipas American Post, anija kozmike u ngrit nga Toka dhjetë vjet më parë dhe që atëherë ka dhënë informacion për tokën dhe sipërfaqen e Marsit.

Në pamje mund të shihet se si duket horizonti marsian ndërsa era fryn në sipërfaqen e Marsit. Është një ngjarje e paprecedentë pasi nuk kishte asnjë regjistrim zanor për erën në planetin fqinj deri tani.

Roveri i NASA-s është tre herë më i rëndë dhe dy herë më i madh se paraardhësit e tij të lëshuar në 2004 . Fillimisht, misioni do të zgjaste vetëm një vit marsian (më shumë se një vit e gjysmë Tokë), por ai ende vazhdon të dërgojë informacion të vlefshëm në Tokë, si lexime rreth mjedisit në Mars dhe kushteve me të cilat qenia e parë njerëzore në planet mund të përballet.