VIDEO/ Grekët dhe serbët sulmuan “Dardanët” në stadium, çfarë nuk u pa nga ndeshja e mbrëmshme
Mbrëmjen e djeshme është luajtur sfida e vlefshme për grupin 2 të Nations League mes Greqisë dhe Kosovës e cila përfundoi me rezultatin 2-0 për vendasit.
Golat e kombëtares greke kanë ardhur në minutën e 71-të nga Giakoumakis dhe në minutën e 98-të nga Mantalos.
Rezultati i ndeshjes nuk ishte ai që tërhoqi shumë vëmendje, por ishin trazirat e krijuara nga tifozeria vendase. Gjithçka nisi kur himni i kombëtares së Kosovës filloi, ku tifozët e Greqisë filluan të fërshëllenin.
Në fakt, nga sa u publikua më pas, u mor vesh që përveç huliganëve grekë, kishte dhe serb që kishin shkuar në stadium të mirpritur nga grekët.
Kosovo fans were attacked with light flares from Greece stands.
— Kosovan Football 🇽🇰 (@kosovanfooty_EN) June 12, 2022
🎥 @Bujar_Mehmeti
#GREKOS #UEFA #NationsLeague pic.twitter.com/xuYnWfAHwb
Provokimi vazhdon duke shpalosur një pankartë të madhe, ku shfaqet harta e Kosovës me flamurin e Serbisë. Situata filloi të përshkallëzohej kur tifozët grekë kanë goditur me gurë dhe sende të fortë në drejtim të tifozerisë së Kosovës.
12.06.2022, Fight between DARDANËT (Kosovo) & Greece Fans (🇬🇷) https://t.co/dEOOfbEgHd#kosovo #greece #hooligans pic.twitter.com/tNFGx4CeT6
— Hooligans.cz Official (@hooliganscz1999) June 12, 2022
Për të mos u mjaftuar me kaq, tifozët e kombëtares së Greqisë filluan të hidhnin flakadanë në drejtim të tifozëve të pranishëm për të mbështetur kombëtaren e Kosovës. Situata u bë shumë e nxehtë dhe loja u ndërpre nga gjyqtari kryesor. Disa lojtarë të kombëtares së Kosovës kanë shkuar te arbitri kryesor duke kërkuar me patjetër që ndeshja të ndërpritej pasi situata kishte përshkallëzuar.
I pari që reagoi ishte sulmuesi i kombëtares së Kosovës, Muriqi, i cili shkoi tek arbitri duke i thënë “ Duhet ta ndalojmë këtë m*t ndeshjeje”.
Pas përfundimit të ndeshjes, kapiteni i kombëtares së Kosovës, Amir Rrahmani tha:
“Nuk e besoj se ka qenë problem situata e flakadanëve. Në fushë jemi profesionist. Ato janë të rrezikshëm në momentin që prekin në trupin e ndonjërit.
Trajneri i tyre më shau kur unë protestova te gjyqtarët. I thashë se një trajner nuk duhet të ofendojë një futbollist, por le të mbetet në ndërgjejen e tyre”, tha lojtari i Napolit.
Lajmi i mirë është se askush nga tifozeria e Dardanëve nuk u lëndua. Këtë gjë e ka konfirmuar një anëtar i Dardanëve duke thënë se askush prej tyre nuk ishte lënduar.
Gjithashtu edhe kryeministri i Kosovës, Albin Kurti, reagoi me një postim në Instagram.
Rruga Press