(Video) Bashkia fillon shembejet e pallateve pranë rrugës “Ura” në njësinë bashkiake numër 4. Banorët mbeten pa shtëpi
Kanë filluar shembejet pranë rruga “Ura” në njësinë bashkiake numër 4. Pallate të banueshme, sipas ekspertizës së parë, bëhen çuditërisht të pabanueshme sipas ekspertizës së Bashkisë.
Në fillim priten dritat dhe uji. Në këtë pallat gjendet edhe kavina elektrike e zonës. (A do t’u priten dritat edhe banorëve të tjerë?)
Më pas, me telefon, lajmërohen se duhet ta lirojnë shtëpinë në datën 2 nëntor.
Meqenëse në datën 2 banorët akoma nuk i kanë liruar vullnetarisht shtëpitë, iu lihet kohë deri sot.
Banorë, nën presionin e pushtetit dhe bonusit të qerasë, të cilin pretendohet se e kanë marrë ( pa asnjë shkresë zyrtare) te pallatet sociale të “5 majit” shohin se si para syve iu shembet investimi i gjithë jetës së tyre, pa pasur ndonjë shpresë se dikush do të mendojë për ta edhe në të ardhmen.
Rruga Press