Verifikimi i pasurisë, SPAK-u kontrolle familjarëve të Belinda Ballukut

April 29, 2026 use3

Prokuroria e Posaçme Kundër Korrupsionit dhe Krimit të Organizuar, SPAK, ka urdhëruar një seri kontrollesh të reja në kuadër të hetimeve që po zhvillon ndaj ish-zv.kryeministres dhe ish-ministres së Infrastrukturës, Belinda Balluku, lidhur me dyshimet për abuzime në tendera me vlera qindra miliona euro në sektorin e rrugëve.

Sipas burimeve, hetimi është fokusuar edhe në verifikimin pasuror të ish-zyrtares së lartë, ku në vëmendje janë vendosur rreth 15 persona të lidhur familjarisht me të, përfshirë edhe vëllain e saj, Ogren Balluku. Në këtë kuadër, me vendim gjykate janë autorizuar të paktën 15 kontrolle në banesa dhe ambiente të tjera.

Lexo më shumë Murati: Të vetmit që po e shkelin Kushtetutën janë deputetët e opozitës që nuk po marrin pjesë në seancën e zgjidhjes së Presidentit

Mësohet se kontrollet janë ushtruar, ndër të tjera, në banesën e Mired Recit, djali i tezes së Belinda Ballukut, si dhe te persona të tjerë të afërt me të. Veprimet hetimore lidhen me dyshime për pasuri dhe transaksione që po verifikohen nga organi i akuzës.

Sipas të dhënave, Mired Reci rezulton të ketë qenë ortak me 49% të aksioneve në dy shoqëri tregtare, “XL MARKET” sh.p.k. dhe “Hippo Tregu Elektrik” sh.p.k. Ortaku tjetër në këto kompani është Meland Qirko, kunati i Belinda Ballukut, i martuar me motrën e saj, Pamela Qirko.

Lexo më shumë Dënohet me dy vjet burgim dhe 15 mijë euro gjobë Sllobodan Radenkoviqin, për sulmin ndaj pjesëtarëve të KFOR-it dhe Policisë së Kosovës

Rruga Press