Vendi i Ballkanit rezulton destinacioni më i preferuar turistik në Evropë

Kroacia është konsideruar si destinacioni më i preferuar në të gjithë Evropën, sipas të dhënave më të fundit të ofruara nga grupi kërkimor për qiradhënie pushimesh (AirDNA).

Kroacia është një destinacion turistik me natyrë të pasur; shumë vizitorë nga e gjithë bota vijnë për të vizituar bregun e saj të Adriatikut, i cili është i mbushur me plazhe të pastra kristal dhe për të shëtitur në qytetet e shumtë piktoresk, raporton SchengenVisaInfo.com.

Kroacia kryeson në vendin e parë me një rritje prej 132 përqind të qëndrimeve gjatë natës, krahasuar me vitin 2021, dhe duke mposhtur konkurrentët e tjerë tradicionalë mesdhetarë si Italia dhe Spanja.

Ndryshe nga Italia dhe Spanja, të cilat ishin dy vende shumë të rrepta në lidhje me rihapjen e kufizimeve të udhëtimit, Kroacia ka pasur rregulla normale hyrjeje që nga 3 maji. Si rezultat, të huajt janë lejuar të vizitojnë Kroacinë pa kufizime, pa iu nënshtruar dokumentacionit shëndetësor.

Rishikimi më i fundit mujor nga AirDNA është dëshmi e këtij fluksi, pasi Kroacia po kalon çdo vend tjetër evropian në tendencat e rezervimeve.

Sigurisht, Kroacia nuk ishte i vetmi vend që regjistroi një rritje të konsiderueshme të rezervimeve kohët e fundit, pasi lista ishte mjaft e gjatë.

Norvegjia renditet e dyta, duke pësuar një rritje prej 117 përqind të pushuesve që qëndrojnë me qera gjatë natës, e ndjekur nga Hungaria me 97 përqind.

Nga ana tjetër, në vitin 2022, në Evropë janë regjistruar gjithsej 7.2 përqind më shumë netë të rezervuara për përdorim ambientesh me qera në krahasim me vitin 2019.

©Rruga Press