Vendet e BE-së miratojnë masat klimatike pas bisedimeve të gjata

Vendet e Bashkimit Evropian arritën të mërkurën një marrëveshje pas bisedimeve të vështira që ishin zvarritur, për të mbështetur rregulla më të rrepta klimatike që do të eliminonin emetimet e karbonit nga makinat e reja deri në vitin 2035.

27 anëtarët e BE-së arritën marrëveshje për projektligjet që synojnë uljen e gazeve serrë të BE-së me të paktën 55% në vitin 2030 krahasuar me vitin 1990 në vend të një 40% të rënë dakord më parë.

“Një ditë e gjatë, por e mirë për veprimin ndaj klimës: Vendimet e këshillit për Fitfor55 janë një hap i madh drejt arritjes së Marrëveshjes së Gjelbër të BE-së,” tha Frans Timmermans, nënkryetari i Komisionit Evropian përgjegjës për Marrëveshjen e Gjelbër, pas takimit të ministrave të mjedisit. në Luksemburg.

Marrëveshja për pesë ligjet e propozuara nga krahu ekzekutiv i BE-së vitin e kaluar hap rrugën për negociatat përfundimtare me Parlamentin Evropian.

Ligjvënësit e BE-së po mbështesin objektivat ambicioze në mbarë bllokun.

Miratimi përfundimtar i paketës legjislative kërkon që Parlamenti të zgjidhë mosmarrëveshjet me qeveritë kombëtare të bllokut për detaje të ndryshme.

“Këshilli tani është gati të negociojë me Parlamentin Evropian për përfundimin e paketës, duke e vendosur kështu Bashkimin Evropian më shumë se kurrë në pararojë të luftimit të ndryshimeve klimatike,” tha Agnès Pannier-Runacher, ministrja franceze për tranzicionin e energjisë.

Vendimi për të futur një objektiv të reduktimit 100% të emetimeve të CO2 deri në vitin 2035 për makinat dhe furgonët e rinj do të ndalonte në mënyrë efektive shitjen në bllokun 27-vendesh të makinave të reja me benzinë ose naftë.

Grupi kryesor i fushatës evropiane të transportit të pastër, :Transporti dhe Mjedisi” tha se marrëveshja e qeverisë së BE ishte “historike” pasi “shemb kontrollin e industrisë së naftës mbi transportin”.

“Ka marrë fund loja për motorin me djegie të brendshme në Evropë,” tha grupi.

Greenpeace ishte më skeptike, duke thënë se afati i vitit 2035 është tepër vonë për të kufizuar ngrohjen globale nën 1.5 gradë Celsius (2.7 gradë Fahrenheit).

Rruga Press