Vdes në Britaninë e Madhe pacienti i parë me variantin e ri Omicron, e konfirmon kryeministri Johnson

Vjen viktima e parë me variantin Omicron. Kryeministri britanik Boris Johnson ka njoftuar se të paktën një pacient me variantin e ri ka vdekur në Mbretërinë e Bashkuar.

Johnson e bëri këtë deklaratë teksa inspektonte një qendre vaksinimi në Paddington, në perëndim të Londrës.

Kryeministri britanik theksoi se ideja se Omicron është një variant më pak i rrezikshëm duhet të “lihet mënjanë” dhe se është e nevojshme “thjesht të njihet ritmi me të cilin ai përhapet tek popullsia”. “Pra gjëja më e mirë që mund të bëjmë është të vaksinohemi me doza përforcuese”, përfundoi ai.

Rruga Press