Vazhdojnë temperaturat jashtëzakonisht të larta në Evropën Jugore

Sipërfaqe të mëdha të Evropës Jugore vazhdojnë të kenë temperatura rekord nxehtësia ndërsa zjarret po shpërthejnë në të gjithë kontinentin.

Temperaturat arritën në 46.3 gradë celsius në Siçili të martën. Autoritetet luftuan me zjarret në Greqi dhe Alpet zvicerane.

Shumica e qyteteve të mëdha të Italisë janë në alarm të kuq, që do të thotë se vapa ekstreme mbart një rrezik për shëndetin për të gjithë, jo vetëm për grupet vulnerabël.

Shkencëtarët thonë se ndryshimi i klimës po i bën valët e të nxehtit më të gjata, më intensive dhe më të shpeshta.

Në të gjithë botën, miliona njerëz po preken nga moti ekstrem; nga temperaturat e larta në SHBA dhe Kinë, deri te reshjet e dendura në Azinë Lindore.

Organizata Botërore Meteorologjike (WMO) thotë se valët e të nxehtit do të bëhen më të rënda në vitet në vijim dhe se modelet ekstreme të motit nxjerrin në pah nevojën për më shumë veprime klimatike.

“Këto ngjarje do të vazhdojnë të rriten në intensitet dhe bota duhet të përgatitet për valë të nxehta më intensive”, ka thënë John Nairn, këshilltar i lartë i nxehtësisë ekstreme në agjencinë e OKB-së.

Rruga Press