Varianti i ri i COVID, EMA: Nëse do jetë e nevojshme, do të zhvillojmë vaksina të reja brenda 3-4 muajsh

Agjencia Europiane e Barnave mund të zhvillojë brenda 3-4 muajsh vaksina të reja për t’iu përshtatur variantit Omicron, tha shefja e Organizatës të martën, ndërsa vuri në dukje se vaksinat ekzistuese ofrojnë mbrojtje.

Duke folur në Parlamentin Europian, shefja e EMA-s, Emer Cook tha se ende nuk dihet nëse kompanive do t’u duhet të modifikojnë vaksinat  për të ofruar mbrojtje kundër Omicron, por theksoi se agjencia ishte gati për diçka të tillë.

Varianti Omicron është zbuluar për herë të parë në Afrikën e Jugut, duke u përhapur në shumë vende. OBSH nga ana tjetër ka bërë thirrje që vendet të marrin masa për të parandaluar përhapjen e  virusit.

Rruga Press