Ushtarët italianë që u lënduan në veri shkojnë në Itali për trajtim

KFOR-i thotë se ushtarët italian që u lënduan në veri janë kthyer në shtëpi.

KFOR-i ka njoftuar se 15 ushtarët italian që u lënduan gjatë protestës në veri të Kosovës tashmë janë kthyer në Itali.

Bëhet e ditur se ata do të marrin trajtim mjekësor në spitalin ushtarak italian “Celio”.

“Të tjerët do të shërohen në infermierinë mjekësore të KFOR-it në Shtabin e KFOR-it dhe janë planifikuar që së shpejti të kthehen në detyrat e tyre”, thuhet në komunikatë.

Komandanti i KFOR-it, gjeneralmajor Angelo Michele Ristuccia, ka takuar ushtarët italianë në aeroportin e Prishtinës, për t’i uruar edhe një herë shërim të shpejtë dhe të plotë. 

Rruga Press