Ushtarët gjermanë të KFOR-it kryejnë patrullime në Kamenicë

November 29, 2024 User2

Ushtarët gjermanë që veprojnë në kuadër të Komandës Rajonale të Lindjes të misionit të KFOR-it kanë kryer patrullime rutinore në qytetin e Kamenicës.

Sipas një njoftimi të këtij misioni në Facebook, këto përpjekje janë pjesë e misionit të përditshëm të KFOR-it për të garantuar një mjedis të sigurt për të gjitha komunitetet që jetojnë në Kosovë.

Lexo më shumë Opozita në Serbi: Vuçiqi ka dërguar një aeroplan plot me kriminelë në Mal të Zi për të prishur Samitin BE-Balkan Perëndimor

“KFOR-i vazhdon të zbatojë mandatin – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme”.

“KFOR-i punon në koordinim të ngushtë me Policinë e Kosovës dhe EULEX-in (Misioni i Bashkimit Evropian për Sundimin e Ligjit në Kosovë) në rolet e tyre përkatëse si reagues të sigurisë”.

Lexo më shumë New York Times i bën jehonë protestës për Zvërnecin: Tejkaloi çështjet mjedisore! U kthye në simbol të pakënaqësive politike ndaj qeverisë

Rruga Press