‘Unë pres që të vazhdoj në vjeshtë’, Kurti flet mbi vijimin e dialogut Kosovë-Serbi

Kryeministri i Kosovës, Albin Kurti deklaroi sot se pret që takimi i ardhshëm i negociatorëve kryesorë në kuadër të dialogut midis Beogradit dhe Prishtinës të mbahet në vjeshtë.

I pyetur nga gazetarët se çfarë pret nga pjesëmarrja e sotme, ai tha se pret që të vërtetohet rëndësia e BE -së për Ballkanin Perëndimor dhe anasjelltas.

‘BE -ja duhet të mbrohet dhe besoj se reformat e brendshme në BE dhe procesi i zgjerimit janë komplementare‘ – tha Kurti.

Procesi i dialogut Kosovë-Serbi, me lehtësimin e Bashkimit Evropian, ka nisur në vitin 2011. Në dialog, pala serbe insiston më së shumti në themelimin e Asociacionit të Komunave me shumicë serbe.

Rruga Press