Ulja e helikopterit në Cetinje me mitropolitin serb, mediat: Aksioni u drejtua nga shqiptari Abazoviç
Mediat malazeze bëjnë me dije se koordinatori i shërbimeve të sigurisë për uljen e helikopterit dhe shoqërimin e mitropolitit Serb në Cetinje ishte zëvendëskryeministri shqiptar Dritan Abazoviç.
Përfaqësuesit e kishës nuk mund të arrinin në Cetinje me rrugë për shkak të bllokimeve të vendosura nga protestuesit të shtunën pasdite.
Ata kundërshtonin ceremoninë e shugurimit të kreut të Kishës Ortodokse se në Mal të Zi, Joanikije.
Qeveria jo zyrtarisht bën me dije se është përdorur një helikopter ushtarak sepse është më modern, më i shpejtë dhe më i sigurt se helikopterët në dispozicion të Ministrisë së Punëve të Brendshme.
Hapësira para manastirit u sigurua nga anëtarët e Njësisë Antiterroriste të Policisë të armatosur.
Ata mbronin metropolitin Joanikije dhe Porfirin me trupat e armatimet e tyre kur u futën në manastir, i cili ishte i rrethuar nga një kordon policie.
Si koordinatori i shërbimeve të sigurisë, së bashku me Dritan Abazoviç, ishin edhe këshilltarët e tij, Ministri i Brendshëm, Sergej Sekulović dhe drejtori i Administratës së Policisë, Zoran Brdjanin, nga zyra e zëvendëspresidentit.
Po ashtu, edhe asistentët e Brdjanin: Dejan Knezevic, Milos Rakonjac dhe Dragan Gorovic, si dhe kreu i Qendrës së Sigurisë Goran Jokic dhe bashkëpunëtorët e tij ishin në terren.
Rruga Press