Ukraina njofton se ka rrëzuar 17 dronë rusë

Ushtria e Ukrainës njoftoi të hënën se ka rrëzuar 17 dronë dhe një raketë ruse të telekomanduar të Rusisë që u përdorën në sulmet gjatë natës që kishin si objektiv një sërë rajonesh ukrainase.

Forcat e mbrojtjes ajore të Ukrainës thanë se në total Rusia lëshoi 24 dronë. Të 17 dronët që u interceptuan u shkatërruarn mbi rajonet Odesa, Mykolaiv, Kirovohrad, Khmelnytskyi dhe Zhytomyr, njoftuan autoritetet.

Oleh Kiper, guvernatori i Odesës tha se 4 dronë u shkatërruan në jug të rajonit, por sulmi kishte dëmtuar instraftrukturën e transportit dhe një pikë karburanti.

Sulmi më i fundit nga Rusia u krye disa orë pasi Presidenti i Ukrainës Volodymyr Zelenskyy vuri në dukje nevojën që aleatët të gjejnë vullnetin e përbashkët politik dhe të furnizojnë Ukrainën me sisteme të mbrojtjes ajrore.

“Është mjaft e qartë se aftësitë e mbrojtjes ajrore që ka në dispozicion Ukraina nuk janë të mjaftueshme dhe kjo është e qartë edhe për partnerët tanë”, tha Presidenti Zelenskyy në fjalimin e tij mbrëmjen e së dielës.

“Bota më në fund duhet të dëgjojë dhimbjen që terroristët rusë po shkaktojnë në Kharkiv, në Kupiansk, në Donetsk, Zaporizhzhia, rajonet Sumy dhe shumë komunitete të tjera ukrainase”, theksoi ai.

Rruga Press