Ukraina godet sistemet ruse, reagon Moska: Perëndimi po përhap tensione gjeopolitike

Ushtria ukrainase deklaroi se ka goditur me sukses një sistem rus të mbrojtjes ajrore, natën mes së dielës dhe së hënës, në Krimenë e Aneksuar. Njoftimi u bë i ditur në rrjetin “Telegram”, i pashoqëruar nga detaje të tjera. Ndërkohë, nga Kina, ministri rus i Mbrojtjes akuzoi SHBA se po nxisin tensionet gjeopolitike.

“Pasi shkaktoi një krizë akute në Evropë, Perëndimi po përpiqet të zgjerojnë potencialin e krizës në Azinë e Paqësorit. Linja e Perëndimit drejt përshkallëzimit të përplasjes me Rusinë përbën rrezik konkret për një përplasje mes fuqive bërthamore, që do të kishte pasoja katastrofike”, tha Sergei Shoigu, ministër i Mbrojtjes i Rusisë.

Rreth 2 mijë ukrainas morën pjesë në një maratonë 1-kilometërshe në Kiev, të veshur me bluza që mbanin emrat dhe fotot e ushtarëve të vrarë në luftën me Rusinë.

“Shumë nga shokët tanë nuk do të kthehen më dhe unë nuk do të mund t’u shtrëngoj dorën apo të flas me ta. Por ata mbeten në zemrën time”, u shpreh Volodymyr Rutkovskyi, veteran lufte.

“Kjo është një copëz mirënjohjeje për këdo që mbron dhe ka mbrojtur vendin tonë. Ajo tregon se ne nuk jemi indiferentë ndaj asaj që po ndodh”, tha Tetiana Bojko, pjesëmarrëse në maratonë.

Familjarë të viktimave të luftës pozuan në fund për një foto.

Rruga Press