Ujku Garues 2025 – policia ushtarake e FSK-së fiton vendin e parë

September 19, 2025 user 1

Në kazermën “Ushtarët e NATO-s” në Istog, është përmbyllur gara tradicionale “Ujku Garues 2025”, aktivitet që e realizon Komanda e Forcave Tokësore (KFT), ku marrin pjesë ekipe nga njësitë e FSK-së, këtë vit pjesëmarrës në garë ishin 21 ekipe.

Sipas një njoftimi në rrjetin social në Facebook bëhet e ditur se garën e ka fituar, Policia Ushtarake e FSK-së, dhe është shpërblyer me vendin e parë.

Lexo më shumë “Më kanë thirrur në prokurori, mos mbaj mesazhe për pishinën”/ Dëshmia në dosjen Balluku: Fshihen komunikimet për vilën luksoze në Dhërmi

Ndërsa siç thuhet në njoftim vendi i dytë i takoi Kompanisë B nga Regjimenti i Parë i Këmbësorisë dhe vendi i tretë shkoi për Kompaninë MB nga Regjimenti i Parë i Këmbësorisë.

“Gara ‘Ujku Garues’ për herë të parë është mbajtur në vitin 2015 si rezultat i shkëmbimit të përvojave mes nënoficerëve të FSK-së dhe atyre të kontigjentit Slloven. Garën e karakterizon aspekti organizativ, vlerësues, shpirti garues, profesionalizmi dhe angazhimi maksimal i ekipeve”, thuhet në postim.

Lexo më shumë Shiroka-Pula dhe Kurti bëjnë homazhe në 37-vjetorin e rënies së Afrim Zhitisë dhe Fahri Fazliut

Rruga Press