Udhëheqësit perëndimorë shfaqin unitet kundër kërcënimit të Rusisë në Ukrainë

January 25, 2022 user 1

Presidenti i SHBA-së, Joe Biden, ka thënë se ka “unanimitet të plotë” me liderët evropianë lidhur me grumbullimin e trupave ruse në kufirin me Ukrainën.

Sipas medieve të huaja, presidenti Biden zhvilloi një video-telefonatë me aleatët evropianë të hënën, ndërsa fuqitë perëndimore synojnë një strategji të përbashkët kundër veprimeve të Rusisë.

Lexo më shumë Irani synon kontroll të përhershëm të internetit me ndihmën e teknologjisë kineze

Mbretëria e Bashkuar ka paralajmëruar Rusinë për sanksione “të shpejta” dhe “të pashembullta” nëse ndodh një inkursion.

Por Rusia mohon planet për të pushtuar Ukrainën, pavarësisht se grumbullon rreth 100,000 ushtarë.

Të bashkuar me SHBA-në dhe MB-në në thirrje ishin liderët e Francës, Gjermanisë, Italisë, Polonisë dhe BE-së. Gjithashtu bisedës iu bashkua edhe shefi i NATO-s, Jens Stoltenberg.

Lexo më shumë Shtetet e BE-së thërrasin ambasadorët rusë pas kërcënimeve të reja të Moskës

“Kam pasur një takim shumë, shumë, shumë të mirë – unanimitet total me të gjithë liderët evropianë”, citohet të ketë thënë Biden më pas.

Rruga Press