Turisti rus zbulon pa dashje bazën ushtarake në Krime, Ukraina e falenderon

Një nga kërkesat e përsëritura të Ukrainës ka qenë qe vendet e Bashkimit Europian të ndalin udhëtimet e turistëve rusë.

Por ajo që ministria e mbrojtjes së Ukrainës ka bërë këtë një ditë më parë ishte falënderimi i pikërisht …një turisti rus.

Në një postim në Tëitter ajo ka postuar foton e një turisti rus, që sipas shpjegimit ndodhet në Krime dhe pas tij shihen të instaluara sistemet raketore të forcave të Moskës.

Me ironi thuhet se ai ndihmoi në zbulimin e vendndodhjes së Mbrojtjes Ajrore aq jetike për Rusinë.

“Ndoshta po tregohemi shumë të ashpër me turistët rusë… Ndonjëherë ata mund të jenë vërtet të dobishëm. Ashtu si ky njeri që bën fotografi në pozicionet e mbrojtjes ajrore ruse pranë Yevpatoria, në Krimenë e pushtuar. Faleminderit dhe vazhdo këtë punën e mirë!” – thuhet në postimin e Ministrisë së Mbrojtjes së Ukrainës.

Maybe we are being too hard on russian tourists… Sometimes they can be really helpful. Like this man taking pictures at russian air defense positions near Yevpatoria, in occupied Crimea. Thank you and keep up the good work! pic.twitter.com/bj5oEyXU0H

— Defense of Ukraine (@DefenceU) August 22, 2022

I moshuari me pantallona të shkurtra shihet duke qëndruar në një plazh me sistemin rus anti-ajror S-400 në sfond. Foto e turistit rus u ngarkua në mediat sociale gjatë fundjavës, i plotësuar me të dhënat e vendndodhjes ekzakte.

Kohët e fundit janë regjistruar një sërë shpërthimesh në të gjithë Krimenë e pushtuar nga rusët. Shpërthimet kanë synuar bazat ajrore ruse dhe depot e municioneve. 

Rruga Press