Turistët shpenzuan 1.4 miliardë euro sivjet në Shqipëri

1.4 miliardë euro kanë shpenzuar turistët sivjet në Shqipëri. Shifra tregon se turizmi u gjallërua shpejt falë hapjes nga pandemia, promovuar edhe me sloganin Covid Free.

Shpenzimet janë rritur dyfish, krahasuar me vjet, por janë më të ulëta se dy vite më parë.

Nga ana tjetër, shtetasit e Shqipërisë që udhëtuan jashtë, shpenzuan 800 milionë euro. Për shkak të kufizimeve të udhëtimit në shumë vende të Bashkimit Evropian, daljet kanë qenë më të pakta.

Deri fund të shtatorit, në Shqipëri kanë hyrë 4.1 milionë shtetas të huaj, kundrejt 3.2 milionë daljeve.

Rruga Press