Trump tha se BE-ja u formua për ta shkatërruar SHBA-në, reagon ashpër kryeministri polak
Kryeministri i Polonisë, Donald Tusk, iu përgjigj presidentit amerikan, Donald Trump për deklaratën se Bashkimi Evropian u krijua për të shkatërruar amerikanët.
Përmes rrjetit social X, lideri polak mohoi se dikush në BE po e shikopn në këtë mënyrë politikën.
“Bashkimi Evropian nuk u formua për të shkatërruar askënd. Përkundrazi, u krijua për të ruajtur paqen, për të ndërtuar respekt mes popujve tanë, për të krijuar tregti të lirë dhe të ndershme dhe për të forcuar miqësinë tonë transatlantike. Kaq e thjeshtë”, tha Tusk.
The EU wasn’t formed to screw anyone. Quite the opposite. It was formed to maintain peace, to build respect among our nations, to create free and fair trade, and to strengthen our transatlantic friendship. As simple as that. 🇪🇺🇺🇸
— Donald Tusk (@donaldtusk) February 27, 2025
Presidenti amerikan foli për nevojën e vendosjes së taksave doganore për vendet e BE-së, duke theksuar se BE-ja ishte formuar me qëllimin për të dëmtuar fuqinë dhe forcën ekonomike të Amerikës.
“Unë i dua vendet evropiane. Shihni, le të jemi të sinqertë. Bashkimi Evropian u krijua për të shkatërruar Shtetet e Bashkuara të Amerikës. Kjo është arsyeja, dhe ata e bënë këtë mirë”, tha Trump.
Në një pyetje për mundësinë e taksave hakmarrëse nga ana e BE-së për produktet amerikane, Trump tha se nuk ishte i shqetësuar.
Ndryshe, Trump ka paralajmëruar se do të vendos taksa shtesë prej 25 për qind për vendet e BE-së dhe Kinës.
Rruga Press