Tre të vdekur nga COVID-19 në 24 orët e fundit në Kosovë, 184 raste të reja

Tre persona kanë vdekur në 24 orët e fundit si pasojë e koronavirusit, ka njoftuar Instituti Kombëtar i Shëndetësisë Publike në Kosovë, teksa janë regjistruar edhe 184 raste të reja nga testimi i 1184 mostrave.

Rastet e vdekjes janë nga Ferizaj (52-vjeç), Gjilani (73-vjeç), Prishtina (85-vjeç).

Prishtina prin me rastet e reja me 79 të regjistruar të enjten.

Në 24 orët e fundit janë shëruar 420 persona duke e çuar totalin e të shëruarve në 41 mijë e 407 nga 51 mijë e 328 rastet e regjistruara nga fillimi i pandemisë. 1335 persona kanë vdekur.

Janë edhe 8586 raste aktive.

Rruga Press