Tragjedia në Bullgari/ Vijojnë hetimet:Shoferi po ecte me shpejtësi mbi 90 km në orë

BULLGARI –Hetimet vijojnë për tragjedinë në Bullgari, ku si pasojë e djegies së autobusit humbën jetën 45 shqiptarë nga Maqedonia e Veriut dhe u lënduan 7 të tjerë. Mediat e huaja raportojnë se detaje të reja kanë dalë në dritë. 

Drejtori i Shërbimit Hetimor Kombëtar dhe zëvendës kryeprokurori Borislav Sarafov ka njoftuar se në bazë të hetimeve shoferi i autobusit ka qenë me shpejtësi të madhe, duke tejkaluar 90 km në orë. Sarafov ka njoftuar se hetimet për aksidentin janë në fazën përfundimtare.

“Hetimi për tragjedinë e autostradës së Strumës, ku humbën jetën 45 shtetas maqedonas, janë në fazën përfundimtare. Ne presim tre ekzaminime, ndoshta do të jenë gati para Krishtlindjeve. Autobusi është i ngjitur për bankinën. Ekzistojnë dy kategori të shpejtësisë e lejuar dhe e përshtatshme. Ne kemi një ide për shpejtësinë, por do të presim ekspertët e makinave. Shpejtësia është mjaft e paqëndrueshme, janë tejkaluar 90 km në orë”,– ka thënë Sarafov.

Rruga Press