Brazili e ka nisur me fitore turneun olimpik. Brazilianët fituan ndaj Gjermanisë me rezultatin 4:2, në ndeshjen e Grupit D.

Në fitoren e Brazilit ka shkëlqyer sulmuesi i Evertonit, Richarlison i cili ka shënuar hat-trick në pjesën e parë.

Braziliani realizoi golin e parë në minutën e 7-të. Rezultatin e dyfishojë në minutën e 22-të. Kurse tre-golshin e kompletoi pas gjysmë ore lojë.

Matheus Cunha lëshoi rast të artë që të shënojë golin e katërt për Brazilin, duke dështuar nga penalltia në kohën shtesë të pjesës së parë.

Gjermania ia doli që të kthehet në lojë. Së pari Nadiem Amiri ngushtojë rezultatin në 3:1 në minutën e 57-të.

Më pas, Ragnar Ache shënoi për 3:2 në minutën e 84-t.

Megjithatë, kjo ishte krejt çfarë bën gjermanët, pasi Pauliho në minutën e 95-të shënoi golin e katërt për Brazilin dhe të fundit në këtë ndeshje.

Gjermania luajti me një lojtar më pak që nga minuta e 63-të, pas përjashtimit të Maximilian Arnoldit pas dy kartonëve të verdhë.

Rruga Press