The Economist: ‘Lufta e grafiteve’ në zemër të Beogradit – disidenti rus pikturon një grua ukrainase, presidenti serb Aleksandar Vuçiq e nënçmon në televizion
Artisti rus Gleb Pushev, i cili ishte larguar nga regjimi i Kremlinit për të shmangur mobilizimin, derisa ishte duke pikturuar një mural në Beograd, tre qytetarë serbë nuk e pëlqyen projektin e tij dhe kështu ata hodhën ngjyrë mbi të.
Murali, i cili mori katër ditë për t’u pikturuar që shfaqte një grua ukrainase, ishte dëmtua më vonë. Megjithatë, me miqtë e tij që e vëzhgonin, Pushev vazhdoi ta pikturonte sërish.
Mirëpo, murali i restauruar u mbulua shpejt me imazhe pro-ruse. Pushev ishte këmbëngulës – e pikturoi sërish, nën mbrojtjen e policisë serbë dhe e mbuloi me pleksiglas. Edhe kjo nuk i ndaloi “rebelët” që ta ri-lyejnë muralin.
“Po zhvillohet një ‘luftë e grafiëve’”, thotë Peter Nikitin, një aktivist rus kundër Kremlinit në Beograd.
Përtej rrugës nga shkolla ku u vranë dhjetë persona në të shtënat më 3 maj, një mural i Vladimir Putin është pikturuar disa herë në mbështetje të Ukrainës. Murali i pikturuar për nder të kriminelit serb të luftës Ratko Mlladiq shpesh shkatërrohet dhe rivizatohet.
Pasi Nikitin kërkoi nga mediet serbe që të raportojnë për rilyerjen e muralit të Putinit, në të cilin ai mori pjesë, Aleksandar Vuçiq e nënçmoi atë në televizion.
Më 13 korrik, aktivisti rus ishte ndaluar për 44 orë në Aeroportin e Beogradit “Nikolla Teslla”. Një tjetër rus kundër luftës në Ukrainë, Ilya Zernov nga Serbia u arratis në Gjermani.
Aktivistja që u sulmua nga policia serbe pasi hodhi vezë në drejtim të muralit të Mlladiqit, Aida Çoroviq, beson se mbishkrimet e ekstremit të djathtë “ndihmojnë” shtetin – i qetëson ekstremistët dhe i sugjeron Shteteve të Bashkuara të Amerikës dhe Bashkimit Evropian se është e nevojshme të ketë një qeveri e qendrës së djathtë që do t’ia zinte frymën kësaj.
Ndërsa, humbjet ruse në Ukrainë po rriten, artistët nacionalistë të rrugës kanë kaluar në mesazhe të tjera, si militantizimi me grafitin “Sparta e Serbisë” dhe irredentizmi me “Kur ushtria të kthehet në Kosovë”.
Rruga Press