Tha se nuk do prekej fatura/ Rama paralajmëron shtrenjtim të energjisë

Kryeministri Rama njoftoi se qeveria po sheh mundësinë që të rishikohet fatura e energjisë elektrike për ata abonentë familjarë që harxhojnë shumë. Pra për Kryeministrin njerëzit ndahen në kategori dhe nuk i sheh të barabartë të gjithë. Duhet të kujtojmë që konsumatorët më të mëdhenj të energjisë elektike janë gjithë bizneset e miqëve të ngushtë të Kryeministrit dhe jo qytetarët e thjeshtë.

Kreu i Ekzekutivit nuk dha detaje në lidhje me fashën e harxhimit, por theksoi se ky është një detaj që po merret në konsideratë.

“Ne po i mbrojmë të gjitha familjet dhe bizneset nga shtrenjtimi i energjisë elektrike duke i ofruar të njëjtin çmim pavarësisht çfarë po ndodh në treg. Do t’i heqim nga mbrojtja e plotë familjet që harxhojnë shumë energji elektrike se jetojnë në kushte të mira.”

Rruga Press