Tensionet jashtë dhe brenda Parlamentit, PS kërkon përjashtimin e tre deputetëve të PD-së

December 15, 2023 User2

Një ditë pas seancës së tensionuar parlamentare, Partia Socialiste ka kërkuar përjashtimi e tre deputetëve demokratë, konkretisht Saimir Korreshi, Edmond Spaho dhe Kastriot Piroli.

Sipas mazhorancës këta tre ligjvënës krijuan kaos në Kuvend e ndezën tymuese, duke mos lejuar zhvillimin normal të seancës plenare një ditë më parë.

Lexo më shumë Serbë nga fronti në Ukrainë me mesazhe kërcënuese për Kosovën (Video)

Kujtojmë që ditën e djeshme (14 dhjetor) mazhoranca mes tymueseve miratoi rregulloren e re e cila përjashton me 2 muaj deputetët që shkaktojnë kaos në Kuvend.

Seanca zgjati vetëm 8 minuta, ndërsa 13 deputetët e përjashtuar për më shumë se një orë e gjysmë, në përpjekje për tu futur në sallë, u përplasën fizikisht me gardën, ndërsa thyen xhamin e derës kryesore të Kuvendit.

Lexo më shumë Arrestimi i disa zyrtarëve, Komuna e Fushë Kosovës: Nuk do të tolerojmë keqpërdorimin e pronës publike

Përplasje dhe tensione pati edhe mes deputetëve të Partisë Demokratike dhe atyre të PS. Këta të fundit nuk u lejuan të futeshin brenda ambienteve të Parlamentit.