Televizioni publik i Malit të Zi heq pas 24 vitesh edicionin e lajmeve në gjuhën shqipe

Për herë të parë pas 24 vitesh, kanali i parë i Televizionit Publik të Malit të Zi (RTCG), nuk do të transmetojë më edicionin e lajmeve në gjuhën shqipe.

Siç raporton gazeta “Plava e Gucia Sot”, lajmet në gjuhën shqipe tashmë do të transmetohen në kanalin parlamentar. Kjo do të thotë se përveç faktit që lajmet shqip nuk do të jepen më në kanalin e parë, me kalmin e tyre në kanalin parlamentar, nuk do të ketë më një orar të caktuar.

Një lëvizje e tillë e politikës së Televizionit Publik të Malit të Zi (RTCG), shënon një hap mbrapa në informim dhe në të drejtat e shqiptarëve në Malin e Zi.

Rruga Press