“Të ngujuar në gërmadhë” 78-vjeçarja në shtëpinë e shembur: Ditë më të vështira nuk kam kaluar

Megjithëse shtëpia është shndërruar ne një gërmadhe, pjesëtaret e familjes Marku ende nuk janë larguar që aty. Prej 19 Janarit ata jetojnë në një dhomë pa dyer e dritare ne temperatura te ulta. Familjaret thonë se nuk do të largohen që aty deri në realizimin e një marrëveshje më bashkinë për kompensimin e plotë të pronës.

19 janari 2022 do të mbahet mend gjatë për banorët e 5 Majit.

Mundi dhe djersa e disa familje u shemb në pak minuta për ti hapur rrugë projektit të rindërtimit.

Edhe pse pati tensione mes banorëve dhe Policisë shtëpitë u rrënuan,  ndërsa që prej 19 janarit, 4 pjesëtarë të familjes Marku vijojnë të qëndrojnë në një cep të shtëpisë së tyre të pa shembur.

Moti i acartë me temperatura se ka ndaluar nënë Lizën të qëndroj në një dhomë pa dyer e dritare.

E strukur nën batanije ajo tregon se mosha e saj ka nevojë për një shtëpi të ngrohtë e të qëndrojë e qetë por fati e përballi me një realitet ndryshe.

“Nuk e kam menduar këtë ditë. Qysh prej datës 19 jemi këtu. Nuk kemi drita dhe nuk jemi larë, kur na sjell dikush ndonjë gjë.”

Djali i saj Mirash Marku 52 vjeç tregon se e gjithë përpjekja për ndërtimin strehës u shua në pak minuta.

“Me zor arritëm që ta bëjmë këtë shtëpi për fëmijët tanë. Pse na e prishën, e bëmë bashkë këtë shtëpi?”

Shtëpia e familjes Marku, u shemb nga IKMT, pasi u prek nga projekti i bashkisë së Tiranës në zonën e 5 Majit për rindërtimin dhe për rizhvillimin e zonës.

Banoret kërkojnë një marrëveshje me Bashkinë e Tiranës se ku do të akomodohen si dhe kompensimin e pronës./ora news/

Rruga Press