“Të mos përziejmë racën”, këshilltarja e Viktor Orban jep dorëheqjen: Fole si nazist!

Një anëtare e rrethit të ngushtë të Viktor Orban ka dhënë dorëheqjen pasi kryeministri hungarez foli kundër “racës së përzier”, ndërsa është konsideruar si fjalim nazist.

Zsuzsa Hegedus, e cila e njeh nacionalistin Orban për 20 vjet, e përshkroi fjalimin si një “tekst të pastër nazist”, sipas mediave hungareze.

Komiteti Ndërkombëtar i Aushvicit i të mbijetuarve të Holokaustit e quajti fjalimin të rrezikshëm.

Fjalimi u mbajt të shtunën në një rajon të Rumanisë që ka një komunitet të madh hungarez. Orban tha se popujt evropianë duhet të jenë të lirë të përzihen me njëri-tjetrin, por se përzierja me jo-evropianët krijoi një “botë të racave të përziera”. “Ne jemi të gatshëm të përzihemi me njëri-tjetrin, por nuk duam të bëhemi popuj të racës së përzier,” tha ai.

Pikëpamjet kundër emigracionit të Orban janë të njohura, por për Hegedus fjalimi i së shtunës kaloi kufirin, përcjell abcnews.al.

“Nuk e di se si nuk e vutë re që fjalimi që mbajtët është një diatrime thjesht naziste e denjë për Joseph Goebbels”, shkroi ajo në letrën e saj të dorëheqjes, sipas uebsajtit hungarez të lajmeve hvg.hu.

Goebbels ishte kreu i ministrisë së propagandës së Adolf Hitlerit. Grupi më i madh hebre i Hungarisë gjithashtu dënoi fjalimin dhe bëri thirrje për një takim me zotin Orban.

Rruga Press

Lexo më shumë  Ekspertët japin mendimin pasi 16 gropa gjigante hapen brenda disa muajsh në një rajon të Turqisë

Leave a Reply

Your email address will not be published.

AlbanianEnglishFrenchGermanItalianPortuguese