Tajlanda miraton buxhetin prej 414 milionë dollarësh për blerjen e avionëve luftarakë

January 12, 2022 user 1

Tajlanda ka miratuar buxhetin prej 414 milionë dollarësh për të blerë katër avionë luftarakë, duke filluar nga viti i ardhshëm, njoftoi të mërkurën një zëdhënës i forcave ajrore të këtij vendi.

Miratimi vjen pasi së fundmi shefi i Forcave Ajorore, Marshall Napadej Dhupatemiya, shprehi interesin për vendin për blerjen e tetë avionëve luftarakë F-35 nga Lockheed Martin Corp i Shteteve të Bashkuara të Amerikës.

Lexo më shumë Ministrat e Jashtëm të BE-së diskutojnë kredinë për Ukrainën dhe sanksionet ndaj Rusisë

Kabineti ka rënë dakord për buxhetin për një periudhë katërvjeçare duke filluar nga viti fiskal 2023, për të zëvendësuar disa nga avionët e vjetër F-16 të vendit, u tha gazetarëve zëdhënësi i Forcave Ajrore, Marshall Prapas Sornchaidee, raporton Reuters.

Siç raportohet, Tajlanda ka aktualisht 12 avionë luftarakë suedezë JAS-39 Gripen dhe dhjetëra avionë amerikanë F-16 dhe F-5, disa prej të cilëve kanë qenë në funksion që nga fundi i viteve 1980.

Lexo më shumë BE-ja thotë se s'do të pranojë asnjë rritje të tarifave të SHBA-së pas vendimit të Supremes

Rruga Press