Bota

Sylvinho ”The Special One”, i vetmi trajner joeuropian në Gjermani 2024

Mund të mburremi se edhe ne kemi të veçantin tonë.Nuk meriton vetëm Jose Mourinho të ketë këtë nofkë, por edhe Sylvinho.

Trajneri i Kombëtares shqiptare është i vetmi që nuk është nga Evropa në finalet e kampionatit që do të zhvillohen verën e ardhshme në Gjermani.

Braziliani madje është i vetmi nga Amerika Latine.

Të gjithë të tjerët janë nga “kontinenti i vjetër”, dhe një shtet dallon nga të tjerët.

Lexo më shumë  Dënohet me burgim aktivisti rus i të drejtave të njeriut, OIeg Orlov

Ky shtet është Italia, që ka katër njerëz të stolit ndër 21 skuadrat e kualifikuara deri tani, ndërsa tre të tjera do të përcaktohen nga “play off”-i i marsit të 2024-ës.

Ndër ta është padyshim Luçiano Spaleti I Italisë, por po ashtu Vincenzo Montella I Turqisë, Marco Rossi i Hungarisë dhe trajneri i Sllovakisë, Francesco Calzona.

Evropiani do të ketë dy trajnerë nga Gjermania, Julian Nagelsmann e kombëtares vendase, si dhe Ralf Rangnick e Austrisë, ndërsa një tjetër është me nënshtetësi të dyfishtë, gjermane dhe italiane, e ky është Domeniko Tedesco i Belgjikës.

Dy trajnerë ka edhe Spanja, teknikun e “Furisë së Kuqe”, Luis de La Fuente dhe atë të Portugalisë, Roberto Martinez.

Lexo më shumë  Gjermania godet Vuçiqin: Është cinik, zgjatja e Kremlinit dhe e Pekinit në Evropë

Të gjitha vendet e tjera përfaqësohen nga një trajner, siç është rasti I Anglisë me Garet Sauthgate apo i Francës, nënkampione e botës me Didier Deschamps.

Duke u kthyer tek Svlvinho, braziliani arriti një kualifikim të merituar në finalet e Evropianit me 4 fitore, 3 barazime e vetëm 1 humbje në një grup të vështirë me Çekinë e Poloninë. 

Rruga Press

YouTube player