Bota

Sulmohet me dronë qyteti rus – bombardohet kompleksi ku ndërtohen aeroplanët ushtarakë

Një seri shpërthimesh ndodhën në qytetin rus të Taganrog, rajoni i Rostovit.

Autoritetet ruse lokale njoftuan se kanë përjetuar sulme masive me dron, të cilat kanë zgjatur më shumë se një orë.

Guvernatori i rajonit të Rostovit, Vasyl Golubev, e quajti atë “masiv” dhe tha se sulmi u zmbraps nga Forcat e Mbrojtjes Ajrore Ruse.

Sipas banorëve, ata dëgjuan më shumë se 20 shpërthime mbi qytet, raporton ukrinform.

Lexo më shumë  Paniku në bursat botërore, humben gati nëntë trilionë dollarë nga vlera e aksioneve

Sulmet kanë dëmtuar Kompleksin Shkencor dhe Teknik të Aviacionit Taganrog Beriev, ku ndërtohen dhe riparohen aeroplanët e transportit ushtarak të llojeve të ndryshme.

Ndryshe, ukrainasit herë pas here po organizojnë sulme brenda territorit rus, si kundërpërgjigje ndaj pushtimit të vendit, të cilën Rusia e ka nisur në vitin 2022.

Lexo më shumë  Alarm në Poloni pas sulmeve ruse në Ukrainë, dyshohet për shkelje të hapësirës ajrore nga objekte të paidentifikuara
YouTube player