Studimi: Toka dhe “udhëtimi” i saj i pjerrët 84 milion vjet më parë
Rrotullimi i herë pas hershëm mund të anojë apo zhvendosë planetët dhe hënat e tjera në lidhje me akset e tyre, por nuk është plotësisht e qartë se sa shpesh kjo i ka ndodhur Tokës.
Sipas Sciencealert, një studim i ri paraqet dëshmi të një ngjarje të tillë që ndodhi rreth 84 milion vjet më parë, kur dinosaurët ende ecnin në Tokë.
“Rrotullimi polar” ndodh kur polet gjeografike zhvendosen ndjeshëm, kështu që mbështjellja e jashtme e Tokës anohet, përmbyset. Kjo nuk ndryshon fushën magnetike të Tokës, por shkëmbinjtë e zhvendosur do të regjistrojnë të dhëna të ndryshme paleomagnetike ndërsa lëvizin.
Studiuesit analizuan mostrat e gurit gëlqeror nga Italia, që datojnë që nga periudha e Kretakut të Vonë (100.5 në 65.5 milion vjet më parë), duke kërkuar dëshmi të zhvendosjeve në regjistrin magnetik.
Fosilet e baktereve të bllokuar në shkëmb, duke formuar zinxhirë të mineralit magnetit, ofrojnë disa nga dëshmitë më bindëse deri tani të lëvizjeve të vërteta polare në Kretakun e Vonë,dhe kjo mund të ndihmojë në zgjidhjen e një debati shkencor që po ndodh për dekada të tëra.
“Ky vëzhgim përfaqëson të dhënat më të fundit në shkallë të gjerë të dokumentuara dhe sfidon nocionin se boshti i rrotullimit ka qenë kryesisht i qëndrueshëm gjatë 100 milion viteve të fundit,” shpjegojnë studiuesit në punimin e tyre.
Toka përbëhet nga një bërthamë e brendshme metalike e ngurtë dhe një bërthamë e jashtme metalike e lëngshme, me një mantel të ngurtë dhe kore (sipërfaqja) që lëviz ngadalë në majë të metalit të lëngshëm. Fusha magnetike e Tokës, e krijuar nga bërthama e jashtme, është regjistruar në shkëmbinj si ata të studiuar këtu.