Studimi: Bletët “ulërijnë” kur sulmohen nga grerëzat
Një studim ka zbuluar një mekanizëm të ri mbrojtës të përdorur nga bletët kur sulmohen nga grerëzat gjigante “vrasëse”: ulërima.
Kur lihen të pakontrolluar, grerëzat gjigante aziatike mund të shkatërrojnë një zgjua bletësh brenda disa orësh, duke u ushqyer me larva dhe duke prerë kokat e bletëve në atë që shkencëtarët e quajnë “faza e masakrës”. Më pas, grerëzat ushqejnë pjesët e prera të trupit tek të vegjlit e tyre.
Studimi, i botuar në revistën Royal Society Open Science këtë javë, zbuloi se bletët lëshojnë një “thirrje grumbullimi për mbrojtje kolektive” kundër grerëzave, shkruan Guardian.
Bletët prodhojnë tingullin duke vibruar krahët ose kraharorin e tyre, duke ngritur barkun e tyre dhe duke ekspozuar një gjëndër për të lëshuar një feromon.
“Është alarmante të dëgjosh,” tha Heather Mattila, një bashkëautore e studimit. “Karakterizohet nga shpërthime të shpejta tingujsh me zë të lartë që ndryshojnë në mënyrë të paparashikueshme në frekuencë – ata janë mjaft të ashpër dhe të zhurmshëm.”