Studim: Delfinët femra kanë klitoris dhe mund të përjetojnë orgazma njësoj si gratë

Shkencëtarët amerikanë kanë zbuluar për herë të parë se, ashtu si gratë, edhe delfinët femra kanë një klitoris funksional që mund të zgjojë  të njëjta ndjenja kënaqësie seksuale me njerëzit.

Ky përfundim bazohet në zbulimin se struktura anatomike  te delfinët, që i ngjan klitorisit të grave, ka shumë nerva shqisore dhe inde erektilë që mund të stimulohen.

Studiuesit, të udhëhequr nga profesorja e biologjis Patricia Brennan nga Kolegji “Mount Holyoke” në Massachusetts, që botuan hulumtimin në revistën Current Biology, studiuan klitorisin e 11 delfinëve të vdekur dhe analizuan formën, nervat, dhe indet e tyre, duke arritur në përfundimin se klitorisi funksionon normalisht.

Delfinët janë shumë socialë dhe bëjnë seks gjatë gjithë vitit, duke “ndërtuar” kështu lidhje më të forta sociale.

Studimi i ri konfirmon se klitorisi vepron si burim kënaqësie për delfinët.

“Ne e dinim se delfinët kryejnë marrëdhënie  seksuale  jo vetëm për t’u riprodhuar, por edhe për të pasur lidhje më të forta sociale, kështu që dukej e mundur që klitorisi të ishte funksional.”

“Klitorisi i delfinit ka shumë karakteristika që tregojnë se funksionon për të ofruar kënaqësi tek delfinët femra,” tha Brennan.

Studiuesit gjithashtu theksuan se në përgjithësi klitorisi dhe kënaqësia seksuale e kafshëve femra në natyrë janë studiuar pak deri më tani. Në fakt, edhe klitorisi i njeriut nuk ishte studiuar plotësisht deri në vitet 1990.

Studiuesit do të vazhdojnë të studiojnë klitorisin dhe organet gjenitale të delfinëve, si dhe kafshëve të tjera vertebrore, për të mbushur boshllëkun ekzistues shkencor.

Rruga Press