SPAK intensifikon hetimet për Belinda Ballukun, shkresë bankave për pasurinë e saj

February 18, 2026 user 1

Prokuroria e Posaçme Kundër Korrupsionit dhe Krimit të Organizuar (SPAK) ka intensifikuar hetimet për zv/kryeministren e pezulluar, Belinda Balluku.

Burime për mediat bëjnë me dije se prokurorët po kryejnë hetim pasuror për Ballukun, ndërsa janë adresuar edhe një sërë shkresash në banka për informacione mbi pasurinë e saj.

Balluku është marrë e pandehur nga SPAK për tenderin për tunelin e Llogarasë ndërsa po hetohet për disa tendera sa i përket Unazës së Madhe dhe aksit Thumanë-Kashar.

Lexo më shumë Kurti thirrje liderëve politikë: Jemi kaq afër zgjidhjes për presidentin saqë do të ishte e pafalshme të shkojmë sërish në zgjedhje për të ardhur përsëri në të njëjtën pikë

Ajo është pezulluar me vendim të GJKKO nga detyra, ndërsa më datë 23 shkurt pritet të mblidhet Këshilli i Mandateve për imunitetin e saj.

Në mbledhje, sipas burimeve, SPAK pritet të paraqesë prova të reja për Ballukun, ndërsa ka kërkuar që mbledhja të jetë e mbyllur.

Mbetet për tu parë si do të vijojë procesi ndaj saj, i zvarritur prej vitit të kaluar, ku me urdhër të Edi Ramës, socialistët janë munduar ti japin sa më shumë kohë numrit dy të qeverisë.

Lexo më shumë Provokim ushtarak pranë kufirit të NATO-s/ Droni rus godet trenin, shpëton ish-kryeministri britanik Johnson dhe delegacioni perëndimor

Rruga Press