Sot nis gjykimi ndaj Milorad Gjokoviqit për krime lufte në Kosovë

July 20, 2023 User2

Të enjten do të nisë gjykimi ndaj Milorad Gjokoviq, i dyshuar për krime lufte në Kosovë, gjatë periudhës 1998-1999.

Në aktakuzën e lëshuar nga Gjykata Themelore në Prishtinë, thuhet se ai dyshohet se në fshatin Ozdrim të Pejës dhe në fshatra përreth këtij regjioni, ka aplikuar masa të vrasjes, bastisjes, rrahjes, maltretimit, arrestimit, torturës, trajtimit në mënyrë mizore dhe çnjerëzore, mbajtjes në kushte skllavërie, dëbimit dhe depërtimit të dhjetëra civilëve shqiptarë.

Lexo më shumë Komandant Bashkim Jashari takon Shefen e Organizatës së Veteranëve të ShBA-së: Bashkëpunim i shkëlqyer ndërmjet FSK-së dhe Ushtrisë Amerikane

Në dokument përmenden edhe plaçkitje, djegie dhe shkatërrim të shtëpive të popullsisë civile të nacionalitetit shqiptarë.

Ai dyshohet se ka kryer veprën penale krim i luftës kundër popullsisë civile.

Në aktakuzë janë përmendur edhe B.SH., G.SH., F.K dhe A.K., si të dëmtuar në këtë rast.

Rruga Press

Lexo më shumë Kosova dhe Serbia bien dakort që të funksionalizojnë komisionin për të zhdukurit me dhunë gjatë luftës