Sot nënshkruhet marrëveshja historike mes Kosovës dhe SHBA-së në fushën e mbrojtjes

Sot do të nënshkruhet marrëveshje në mes Kosovës dhe Shteteve të Bashkuara të Amerikës në fushën e mbrojtjes.

“Kjo është një marrëveshje shumë e madhe për shtetin e Kosovës. Shtetet e Bashkuara të Amerikës e kemi partner kryesor. Dihet që edhe formimi i FSK-së u bë me ndërhyrje të SHBA-ve. Mendoj se Shtetet e Bashkuara të Amerikës na kanë përkrahur në mënyrën më të denjë”, tha eksperti i sigurisë, Nuredin Ibishi.

Ndërkaq Esad Çollaku u shpreh se duhet të përshëndetet çdo marrëveshje ndërmjet Kosovës dhe Shteteve të Bashkuara të Amerikës.

“Vlen të potencohet se kjo marrëveshje nuk është e rastësishme”, tha Çollaku.

Nga ana tjetër, eksperti i sigurisë, Bedri Elezi tha se nënshkrimi i një marrëveshjeje në fushën e sigurisë ndërmjet Kosovës dhe SHBA-së është vonuar dy vjet.

“Kjo marrëveshje nuk nënkupton angazhim të mbrojtjes ajrore apo të çështjeve me fluturime, pasi kjo menaxhohet nga hungarezët”, u shpreh ndër të tjera Elezaj.

Rruga Press