Sondazhi në Rusi: Mbështetja për luftën e Putinit në Ukrainë më e ulët se kurrë më parë

Mbështetja për luftën në Ukrainë ka rënë në mënyrë dramatike në Rusi, sipas të dhënave të sondazhit të Kremlinit. Aktualisht,vetëm një në katër persona favorizojnë mbajtjen e trupave ruse në Ukrainë, nga 57 përqind në korrik.

Gjetjet u publikuan në një raport për zyrtarët e lartë të qeverisë së shërbimit mbikëqyrës federal të Kremlinit, të marrë nga Meduza, një faqe interneti e pavarur kërkimore.

Rënia e mbështetjes vjen pasi Rusia urdhëroi që dhjetëra mijëra njerëz të mobilizoheshin dhe të dërgoheshin në vijat e frontit. Javën e kaluar, Putini u përpoq të qetësonte zemërimin në rritje duke u takuar me gratë e ushtarëve që vdiqën në beteja. Vazhdojnë të dalin raporte për trajnimin dhe pajisjet e dobëta të rekrutëve rusë të mobilizuar së fundmi.

“Njerëzit e kuptuan si diçka që nuk i shqetëson ata. Tani rreziqet janë shtuar dhe njerëzit duan negociata paqeje”, ka thënë Denis Volkov, kreu i Qendrës Levada, duke reaguar ndaj rënies së mbështetjes publike.

Sergei Shoigu, ministri rus i Mbrojtjes, ka thënë në një takim televiziv të mërkurën se shpenzimet ushtarake për armët do të rriten me 50 përqind duke filluar nga viti i ardhshëm. Fabrikat e armëve dhe municioneve në të gjithë vendin po punojnë jashtë orarit për të përmbushur nevojat në rritje të pushtimit të vazhdueshëm të Ukrainës.

Rruga Press