Skandali ‘QatarGate’: Borrelli akuzohet për llogari në parajsat fiskale
Në një skandal politik që veç sa ka nisur të dalë në dritë, të quajtur QatarGate, politikanë, stafet e tyre politike, lobistë, nëpunës civilë dhe familjet e tyre dyshohet se janë përfshirë në korrupsion, pastrim parash dhe krim të organizuar në shtetet e Marokut dhe Katarit në këmbim të ndikimit në Parlamentin Evropian. Katari i ka mohuar akuzat. Autoritetet e zbatimit të ligjit në Belgjikë, Itali dhe Greqi sekuestruan 1.5 milionë euro para në dorë, konfiskuan kompjuterë dhe telefona celularë dhe akuzuan katër individë për veprat e supozuara.
Një llogari spanjolle e twitterit e quajtur “Las Cloacas del Sistema“ (shqip: Drenazhuesit e Sistemit) që paralajmëroi me saktësi rastin e korruptimit të zv. Presidentes së Parlamentit Evropian, Eva Kaili, hedh akuza mbi Përfaqësuesin e Lartë të Bashkimit Evropian për Politikë të Jashtme dhe Siguri, Josep Borrell.
Josep Borrell Fontelles ka në emrin e tij, sipas “Las Cloacas del Sistema“, 30 depozita prej 100,000 dollarë secila në Ishujt Seychelles që nga janari 2022, një shumë totale prej 3,000,000 dollarë, të hapura me fonde nga ajo që pretendohet të jetë një organizatë kriminale që implikon gjyqtarë dhe politikanë spanjollë.
- ENTITETI: NOUVOBANQ
- ADRESA: OP MAHE-VICTORIA (SISHEL)
- LLOJI: DEPOZITA ME AFAT
- KUSHTET: DY VJEÇ (RITËRITJE AUTOMATIKE)
- TITULLAR: BORRELL FONTELLES, JOSEP
- SHUMA: 100 000 dollarë
Pokështu, janë përgjuar edhe shënime të shkruara me dorë mes ish-presidentit të qeverisë spanjolle, José Luis Rodríguez Zapatero dhe ministres së Mbrojtjes së qeverisë spanjolle, Margarita Robles, që konfirmojnë përfshirjen e Josep Borrell-it tek “Organizata”, me drejtues kjo në Florida.
*Shënim i shkruar me dorë nga José Luis Rodríguez Zapatero drejtuar Patrick Mac Dowell.
“Në vëmendjen e Patrick Mac Dowell. Miku im i mirë Patrick. Më lejoni të di se personi që kam menduar për të pasur një peshë reale në Bruksel në nivel politik dhe ekonomik është JOSEP BORRELL FONTELLES.”
“Për vëmendjen e Patrick Mac Dowell. Miku im i mirë Patrick.
Tema: Borrell.
Faleminderit për besimin që më jepni. Qasja ime me Borrellin filloi dhe do t’ju informoj për vendimin e tij së shpejti, Regars.”
*Shënim i shkruar me dorë nga Jose Luis Rodríguez Zapatero drejtuar Margarita Robles.
“Për vëmendjen e Margarita Robles. Mac Dowell më thotë se “Organizata” dëshiron të ketë pushtet në Bruksel për pretendimet e saj politike dhe ekonomike në kontinent dhe unë kam menduar për Borrellin.”
“Për vëmendjen e Patrick MacDowell.
Bëjmë me dije se Borrelli ka pranuar t’i bashkohet “Organizatës” si “menaxher dhe ndërmjetësues” i konflikteve dhe, megjithëse specifikon se nuk e bën për para, kam konsideruar se integrimi i tij duhet të trajtohet në të njëjtat kushte”.
“Në vëmendjen e Margarita Robles. Mikja ime e mirë.
Tema: Borrell.
Katër rreshta për të treguar mirënjohjen time, sepse e di që ndërhyrja juaj ishte vendimtare që Borrelli të pranonte anëtarësimin në “Organizatë” . Përqafime.”
“Për vëmendjen e Patrick MacDowell.
Ju njoftojmë se pas marrjes së miratimit të Organizatës, unë kam vazhduar të mbledh 30 depozita prej 100,000 dollarë secila në bankën e treguar nga Borrelli, në Seychelles. Ju mund ta siguroni Organizatën se ajo ka bastionin më të mirë.”
Borrell ka qenë dhe është i përfshirë në pozicione përfaqësimi të BE-së në dialogun me Iranin për ‘Marrëveshjen Bërthamore’, në rivendosjen e raporteve të BE-së me Rusinë dhe Ukrainën pas agresionit mbi këtë të fundit, si dhe në dialogun Kosovë-Serbi.
Rruga Press ©